2024-09-02 23:45:11

OCC Hagayya 27, 2016 Korporeeshiniin Ijaarsa Oromiyaa waliigalteen Itti Fayyadama Yeroo Qilleensaa Oromia Brodcasting Network (OBN) waliin walmallatteesse. Waliigaltichi Sagantaan "Television" dhaan darbu torbee 52 (shanttami lama ) kan daqiiqaa 20 (digdama) dheeratu ta'ee, torbeetti al tokko guyyaa sanbata Guddaa (Dilbata)  galagala sa’aa 2:00 irraa hanga sa’aa 2:20 tti kan tamsa’udha. Sagantaan 52 (shanatami lama) "Television" dhaan qilleessarra oolu "youtube" irrattis akka fe’amu ta'uu waliigalticha keessatti ibsameera. Yeroo qilleensaa qabaachuun haala pirojektoonni OCC irra jiran yeroo yeroodhaan waraabbii suur-sagalee gaggeessuun ummataaf ifoomsuufi yaada ummataa fi maamiltoota hubatanii qindoominaan hojjechuuf faayyidaa guddaa akka qabus ibsameera. Waliigalticha kan mallatteessan gama OCCtiin Injinar Ashannaafii Dhaabaa Hojii Raawwachiisaa Ol'aanaa fi Obbo Korree Shanqullee Daayirektara Itti aanaa fi Ittigaafatamaa kutaa sagantaalee OBNti