2024-07-22 10:54:32

OCC Adoolessa 13, bara 2016 - Korporeeshiniin ijaarsaa Oromiyaa Ijaarsa Mana Baruumsa Sadarkaa 2ffaa Ifa Boruu Tembeen xummure. Iijaarsi Mana Barumsa Ifa Boru Tembeen Naannoo Tigraayi Magaalaa Abi adiitti argamu qulqullinaan yeroo taa'eef keessatti raawwatee dallaa mana baruumsichaa keessatti biqiltuu dhaabuun ashaaraa magariisaa kaa'ee. Sirna kana irratti kan argaman I/A/H/R/Ol’aanaa fi Hoogganaa Damee Ijaarsa Gamoowwanii Korporeeshinii Ijaarsa Oromiyaa Inj. Habiib Qumbii, OCCn Naannolee biyyatti hunda keessatti hojiiwwan ijaarsa pirojektotaa qulqullinaa fi yeroo koontiraataa keessatti raawwachuun tajaajila ummataaf dabarsaa jiraachuu isaa ibsanii, hoogansaa fi hawaasa naannoo pirojektiitti argaman deeggarsa taasisaniif galateeffatanii Hojjettoota pirojektichaa hunda fi Inj. Burtukaan Namee Dursituu Garee Ijaarsa Gamoowwanii hojii kana qindeessuufi raawwachuudhaaf halkanii guyyaa kutannoodhaan hojjechun pirojekticha sadarkaa kana akka gahu gumacha taasisaniif galateeffatani jiru. I/A/ Kantiibaa magaalaa Abi-Addii kan ta’an Obbo Zar’aay Hagos Korporeeshiniin Ijaarsa Oromiyaa raawwii hojii gaarii agarsiisaa jiruu fi walitti hidhaminsa naannoolee lamaan gidduu jiruuf shoora guddaa akka taphachaa jiraachuu ibsanii jiru. KIO, Furmaata Hunda Galeessaaf!!!