2024-06-20 22:53:31

OCC Caamsaa 22, 2016 - Pirojektiin Ijaarsa Buufata konkolaataa Magaalaa Amboo qulqullina olaanaan ijaaramee xumuramaa jira. ============================== Godina Shawaa Lixaa Magaalaa Ambootti pirojektiin ijaarsa Buufata konkolaataa waggoottan  arfan dura kontiraaktara biraan ijaaramee  qulqullina waan dhabeef caccabuun madda komee hawaasaa ta'ee tureera. Pirojektiin kun waggaa tokko keessatti diigamee akka haaraatti ijaaramee akka xumuramuuf Korporesshinii Ijaarsa Oromiyaa (OCC) tti kan kenname ta'us, OCCn xiyyeeffannoo addaa kennuun yeroo hojii dheeressuun hojjechuuniifi dhiyyeessii barbaachisu dursee dhiyeessuun yeroo taa'eef ji'a shan (5) dursee  xumuraa jira. Hoji gaggeessaan Piroojektii kanaa Injinar Mootummaa Biraasaa, "yeroo pirojektii kanaaf kaa'ame ji'a shan dursinee sadarkaa  xumuraarra qaqqabsiisuun keenya akka muuxannoo gaariittii fudhatamee, pirjoktoota biroo irrattis haala walfakkaatuun yeroo ta'eef dursanii xumuruun baratamuu qaba,"jedhan.