2023-12-13 12:16:22

Mootummaan Naannoo Oromiyaa hanqina dinagdee ijaarsa Oromiyaa furuudhaaf Korporeeshiinii ijaarsa Oromiyaa hundeessuun xiyyeeffannoon hojjechaa jira ~~~ Dhaabbileen ijaarsaa biyya tokkoo hojii isaaniif xiyyeeffannoo yoo laatan simboofi miidhagina ta'u. Dhaabbanni ijaarsaa Oromiyaa (OCCn) dhaabbata naannocha keessattis ta'e akka biyyaatti induustirii ijaarsaa keessatti hirmaachuun dorgomaa ta'ee hojjechuun bu'aa gaarii buusaa jirudha. Dhaabbata ijaarsaa jabaafi dorgomaa ta'e uumuuf ammoo hojimaataan hooggananii kalaqaafi teknoloojiin tumsuun ammoo dhimma induustiricha cimsuuti. Korporeeshiniin Ijaarsa Oromiyaas kaayyoo hundaa'eef daran fiixaan baasuuf hojjettoota isaa garee raayyaa teeknoloojii hundeessuun leenjii hubannoo cimsu kenneera. Itti aanaa hoji geggeessaa olaanaa Korporeeshiinii Ijaarsa Oromiyaa Obbo Kaffaalee Ayyaanaa yaada laataniin Korporeeshinicha yeroo ammaa kanaa pirojektoota 200 ol kaappitaalaa guddaan ijaaraa jiraachuu ibsanii ogeeyyii ogummaan cimsuufi teknoloijiin deeggaramuu akka qabaniif leenjiin adda addaa kennamaa jiraachuu ibsaniiru. Miseensa boordii Korporeeshiinii hojiiwwan ijaarsaa Oromiyaa kan ta'an Hayyuun dinagdee Dr Guutuu Teessoo leenjifamtootaaf ergaa dabarsaniin amala duraanii keessaa bahuun teknoloojii ammayyaatti of madaksuun fayyadamuun karoora korporeeshinichaa milkeessuu keessatti ga'ee olaanaa qabaachuu ibsaniiru. Xumura leenjichaa irratti kan argaman Hoogganaan Biiroo Misooma Magaalaafi Manneenii Oromiyaafi miseensi boordii Korporeeshinichaa obbo Muhaammad Guyyee korporeeshinii Ijaarsa Hojiiwwan Oromiyaa teekinoloojiidhaan utubuun moodela indaastirii ta’eefi uummata Oromoo madaalu akka ta’uuf xiyyeeffannaan hojjetamaa jiraachuu ibsanii rakkoolee jiran hiikuun dhaabbatichi dorgomaafi addunyaa irratti injifataa akka ta'uuf xiyyeeffannaan hojjetama jedhan.