2023-11-06 16:38:26

OCC Onkoloolessa 25, 2016 – Hoggantoonni Waajjira Ol'aanaa, Dameewwaniifi Pirojektootaa sadarkaa adda addaa Korporeeshinii Ijaarsa Oromiyaa, Gamaggama Raawwii Hojii Kurmaana 1ffaa Bara 2016 Magaalaa Adaamaatti guyyoota lamaaf gaggeefamaa ture xumurame. Kallatti akka Mootummaa Naannoo Oromiyaatti kaa'ameen karoorri bara 2016 karoora xiiqii waan ta'eef akka OCCtti karoora qabanne kaane 100% ol (hundred plus) mileekeessuuf xiyyeeffannoo addaan hijjetamuu akka qabu irra deddeebiin ibsameera. Kallattii Mootummaan "Kalaqaafi ariitiin hojii hojjechuu," jedhee hojjechaa jiru akka Korporeeshinii keenyaatti hojiitti hiikuuf xiiqeffannee hojjechuu qabna jedhamee jira. Marii tuuta tuutaan taasifame irratti hoggantoonni Waajira Ol'aanaa, Dameeleefi Pirojektootaa hojii isaan ilaalu mariin gabbisuun hanqinoota marii irratti ka'an akka galteetti fudhachuufi fuula duratti haqinaalee fala barbaadaaniif fala kennuun si'oominaafi qulqullinaan hojii fuula dura hojjechuuf waliigalameera. Dhimmoonni marii kaassatti ka’an: 1.  Sirni bulchiinsa faayinaansii fooyya’uu akka irra jiraatu, 2.  Bulchiinsiifi ittifayadami qabeenyaa OCC hanqina waan qabuuf ammayyeeffamuu akka qabu, 3.  Seera (norms) ijaarsaa hirmaattotaaf dhihaate hojitti hiikuun dirqama ta’uu, 4.  Gabaasni kamuu qulqulluufi yeroo isaa kan eeggate ta’uu akka qabu, 5.  ERP guutummaan guutuuttii hojiira olchuun dirqama ta’uu 6.  Aadaa hojii bakka maratti bifa walfakkaatuun fooyyessuufi ammayyeessuu faadha. Hojii raawwachiisaa Ol’anaan Korporeeshinii Ijaarsa Oromiyaa (CEO) Ijinaar Ashannaafii Dhaabaa haasawaa cuffiinfa waltajichaa irratti taasisaniin kallattiilee hojii armaan gadii kaa’aaniiru: a.  Karoora xiiqii hubachuun milkeessuuf xiiqeffachuun halkanii guyyaa hojjechuu. b.  Raawwiin kurmaana 1ffaa  gadi aanaa waan ta’eef karoora keenya irra deebinee ilaaluun kurmaana 2ffaatti raawwii ol’aanaaf of qopheessuu. c.  Pirojektoota hojjechaa jirru qulqullinaan yeroo taa’eef keessattii dabarsuu akka qabnu. d.  Bulchiinsa qabeenyaa fooyyessuu; meeshaalee man-kuusaa keessaa ERPn galmeessuu, maashinariifi konkolaattota sirnaan bulchuu. e.  Bulchiinsa faayinaansii keenyaa sirreessuu; qusannaa aadaa godhacuu, hanna hanbisuu. f.  Humna namaa sirnaan bulchuu. g.  Sirna qabiinsa raagaa keenyaa fooyyessuufi qabaasa qulqulluu yeroo dabarsuu. h.  Qidoomina ariitii, baayyina, qulqullinafi kalaqa hojii keeny guyyuu madaalaa deemuu.