Ijaarsi Pirojektii Bishaan Dhugaatii Magaalaa Bordoddee xumurame.
2023-07-09 17:41:08
OCC Finfinnee, Waxabajji 22, 2015 - Ijaarsi Pirojektii Bishaan Dhugaatii Magaalaa Bordoddee xumurame. Godina Harargee Lixaa, Aanaa Gumbii Bordoddee, Magaalaa Bordoddeetti bishaan dhugaatii ummata 25,000 (kuma digdamii shan) oliif taajaajila kennu qarshii Miiliyoona 100fi Miiliyoona 58n ijaaramee xumurame. Akka Injinar Geetaachew Isheeteerra odeeffannetti, pirojektiin kun pirojektoota Bishaan Dhugaatii 11 bara kana OCCn walharkaa fuudhinsa raawwachuuf karoorfate keessaa tokko yommuu ta’u, hanga yoonaatti Pirojektoota 8 walharkaa fuudhinsi raawatamee jira. “Gammoojjii kana keessa rakkoon bishaan dhugaatii hammaataan rakkachaa turree, amma boonoo bishiaanii balbala keenyatti argachuun, gammachuu jechaan ibsachuu hindandeenye nutti horera,” jedhan jiraattonni naannoo.