2023-03-14 12:08:39

OCC Bitootessa 5/2015 Korporeeshiniin Ijaarsa Oromiyaa(OCC)n hawwaasa Godiina Booranaa, Aanaa Dilloofi Aanaa Eelwayyaa rakkoo gogiinsa qilleensatiin rakkachaa jiraniif bishaan dhiyeessaa jira. Korporeeshinichi pirojeektii bishaan dhugaatii km 80 dheeratu ijaaraa kan jiru yommuu ta'u pirojeektichi yommuu xummuramu ummata aanolee Dilloo, Eelwayyaa fi yaa'a ballootiif kan tajaajilu ta'ee yeroo ammaa hojii ijaarsa pirojeektichaa cinaatti bakka sarari isaa qaqqabetti aanaa dillo fi eelwayyaa keessa gandoota 8 abbaa warraa 1200 fi beellada 23500 oliitiif bishaan dhiibee dhiyeessuudhan rakkoo hanqina roobatiin hawwasa rakkachaa jiruuf deeggarsa taasisaa jira. Dabalataan korporeeshinichi boolla bishaanii gadi fagoo 3 baasii ofiisaatiin qotee bishaan baasuuf hojjechaa jira. Hojjettoonni OCC Waajjira ol'aanaa mindaa isaanii irraa %10, wiirtuu gaarajii alamganaa qarshii 45000, pirojeektii Walmal qarshii 80000 deeggarsa taasisanii jiru. Hojjettoonni piroojektota keenya hundarra jiru deeggarsa taasisaa jiran akkuma qindaayee nu qaqqabeen kan ibsinu ta'a.